Rexións Phasing-in

O Obxectivo Phasing-in dos Fondos Estruturais está formado por aquelas rexións que deixarían de pertencer ao Obxectivo 1 por efecto natural, é dicir, por superar o 75% da media comunitaria a UE-25. Constitúe, tamén, a principal prioridade da política de cohesión da Unión Europea no período 2007-2013. A estas rexións destínase un 3,4% dos créditos dos Fondos Estruturais (é dicir, 10.385 millóns de euros).

España percibirá por este Obxectivo 3.856 millóns de euros (un 37,1% do total asignado a este Obxectivo) entre 2007 e 2013. Tres rexións españolas (Castela e León, Comunidade Valenciana e Canarias) vanse a beneficiar deses recursos. Hai que sinalar que España percibirá tamén, para aplicar en Canarias, o 44,4% do total do montante do Fondo RUP.  Destinouse un montante de 981 millóns de euros, dos que Canarias recibe 436.